مدونات جيران - εïз تـــ ـــخـــ ـيــــ ـــل εïз مدونة

حصيييييييف

الخميس, 17 اغسطس, 2006

السلام عليكم :rosy:

حغيب فترة مش طويلة أوي يعني :looking:

من أول يوم السبت لغاااية الخميس إن شاء الله :sla:

عشان عقبال عندكوا ..حصييف :ura1:

وإن شاء الله مايبقاش فيها لا شنط ضايعة ولا حاجة :brb:

والسلام عليكم :yaya0000:

(5) تعليقات

الله يرحمك يا شنطة

الاربعاء, 09 اغسطس, 2006

السلام عليكم
في الحبة الصغننين اللي أنا غبتهم كنت معزومة عند خالتي في العجمي في نادي الضباط عشان اقضي تصبيرة كدة لمصيف تاني يعني مطروح تقريباً إن شاء الله

لما وصلنا كنا مستنيين حد عشان يوصلنا مكان الشاليه وكنا مستنينه عند منطقة عمل يعني مفيهاش ناس كتير وكنا حاطين الشنط علي الأرض بس يا فرحة ماتمت للأسف سيبنا أكبر شنطة وأهم شنطة اللي فيها هدومنا

اكتشفنا إن احنا نسيناها لما وصلنا الشاليه

لما ماما قالت لبابا فين الشنطة الكبيرة

قالها شنطة إيه؟ :think3:

كان بيحسب إن احنا خدناها

ونقول فين الشنطة فين الشنطة وندور منلاقيش ونشوف في شنطة العربية برضه مفيش
رحنا للمكان اللي سيبناها فيه برضه ملقينهاش وسألنا يا عم مشفتش شنطة ..لا والله

ياااااااه علي الغيظ دي منطقة عمل مفيهاش غير ناس يتعدو علي الصوابع :kez_13:

احنا اتصدمنا يعني حنقضي الأيام دي إزاي من غير هدوم وخصوصاً أنا وهل فعلاً المصيف انتهي قبل مايبدأ؟ :icon_cry:

وافتكرت آيه"وعسي أن تكرهوا شيئاً وهو خيٌر لكم وعسي أن تحبوا شيئاً وهو شر لكم والله يعلم وأنتم لا

تعلمون .."

وارتحت بعد كدة :heat:

بس احنا برضه مسمحناش لحاجة زي كدة ان هي تنكد علينا

وأنا اخدت هدوم من بنت خالتي وكانت حوسة

بس تعرفوا بابا قاللي حاجة لما قولته إن احنا ليه ملاقيناش الشنطة و مين حيكون اخدها؟
راح قاللي انت فاكرة نفسك فين .. انت في مصر يا بنتي
يعني تنسي حاجة انسي إن انتي تلاقيها تاني
بس الصراحة انا استفدت من الموقف دة وحمدت ربنا إن هي جت علي اد الهدوم يعني مش حاجة مهمة

دهب مثلاً ولا كاميرا ولا حاجة

بس لو شفته اللي خد الشنطة دة